ਕਿਸਾਨ ਮੋਰਚੇ ਦੀ ਸੰਯੁਕਤ ਕਮੇਟੀ ਦੇ ਕੋਆਰਡੀਨੇਸ਼ਨ ਮੈਂਬਰ ਸ.ਬਲਦੇਵ ਸਿੰਘ ਦੇ ਨਾਮ Sikh Information Centre ਵਲੋਂ Sikh Caucus ਬਾਰੇ ਖੁਲ੍ਹਾ ਖੱਤ

ਸਿੱਖ ਕੌਕਸ ਦੇ ਕੰਮ ਸਿੱਖ ਹਿੱਤਾਂ ਦੇ ਉਲਟ!

ਸਿੱਖ ਕੌਕਸ ਨੂੰ ਮੋਦੀ ਕੌਕਸ ਕਹਿਣਾ ਕੋਈ ਅਤਿਕਥਨੀ ਨਹੀ: -– ਸ੍ਰ: ਭਜਨ ਸਿੰਘ ਭਿੰਡਰ

ਸਤਿਕਾਰਯੋਗ ਸ੍ਰ: ਬਲਦੇਵ ਸਿੰਘ ਜੀ,

(ਮੈਂਬਰ ਕੋਆਰਡੀਨੇਸ਼ਨ ਕਮੇਟੀ ਸੰਯੁਕਤ ਕਿਸਾਨ ਮੋਰਚਾ)ਅਸੀਂ ਇਹ ਪੱਤਰ Sikh Information Centre ਵੱਲੋਂ ਲਿਖ ਰਹੇ ਹਾਂ ਅਤੇ ਇਸਦਾ ਵਿਸ਼ਾ ਤੁਹਾਡੇ ਵੱਲੋਂ ੧੩ ਦਸੰਬਰ ਨੂੰ US Congressman John Garamendi, Jim costa, Shiela Jackson ਅਤੇ TJ Cox ਦੇ ਧੰਨਵਾਦ ਲਈ ਲਿਖੇ ਪੱਤਰ ਸੰਬੰਧੀ ਹੈ। ਤੁਹਾਡੇ ਪੱਤਰ ਵਿਚ ਦਸਿਆ ਗਿਆ ਹੈ ਕਿ ਕਿਸਾਨ ਮੋਰਚੇ ਦੇ ਮੁੱਦੇ ਨੂੰ ਭਾਰਤੀ ਸਰਕਾਰ ਅੱਗੇ ਅਮਰੀਕਨ ਸਿੱਖਾਂ ਅਤੇ American Sikh Congressional Caucus (ASCC) ਦੇ ਵਲੋਂ ਅਤੇ ਕਹਿਣ ਉਤੇ ਉਠਾਇਆ ਗਿਆ ਹੈ।ਤੁਹਾਨੂੰ ਇਹ ਦੱਸਣਾ ਜਰੂਰੀ ਹੈ ਕਿ ਤੁਹਾਡੇ ਪੱਤਰ ਵਿੱਚ ਲਿਖੀ ਇਹ ਗੱਲ ਸੱਚ ਨਹੀਂ ਹੈ ਕਿ Garamendi ਨੇ American Sikh Caucus ਦੇ ਕਹਿਣ ਉਤੇ ਯਾਂ ਉਨਾਂ ਵਲੋਂ ਇਹ ਅਵਾਜ਼ ਉਠਾਈ ਹੈ। ਸਗੋਂ ਇਸ ਦੇ ਬਿੱਲਕੁੱਲ ਉਲਟ, American Sikh Congressional Caucus ਦਾ senior founding member ਅੇਮੀ ਬੈਰਾ ਤਾਂ ਮੋਦੀ ਸਰਕਾਰ ਦੇ ਇਹਨਾਂ ਹੀ ਬਿੱਲਾਂ ਦੇ ਹੱਕ ਵਿੱਚ ਪੁਸ਼ਟੀ ਕਰਦਾ ਹੈ, ਜਿਹਨਾਂ ਬਿਲਾਂ ਖਿਲਾਫ ਤੁਹਾਡਾ ਕਿਸਾਨ ਮੋਰਚਾ ਚੱਲ ਰਿਹਾ ਹੈ।

ਅਮਰੀਕਨ ਸਿੱਖ ਅਤੇ ਕਿਸਾਨ ਮੋਰਚੇ ਦੇ ਹਮਾਇਤੀ ਹੋਣ ਦੇ ਨਾਤੇ, ਅਸੀਂ ਇਹ ਜ਼ਰੂਰੀ ਸਮਝਦੇ ਹਾਂ ਕਿ ਆਪ ਜੀ ਨੂੰ ਹੇਠ ਲਿਖਤ ਤੱਥਾਂ ਤੋਂ ਜਾਣੂ ਕਰਵਾਇਆ ਜਾਵੇ ਤਾਂ ਜੋ ਅਮਰੀਕਨ ਸਿਖ ਕੌਕਸ ਪਾਸੋਂ ਤੁਹਾਡੀ ਕੋਈ ਵੀ ਹਮਾਇਤ ਮਿਲਣ ਦੀ ਅਸਲੀਅਤ ਬਾਰੇ ਆਪ ਨੂੰ ਚੰਗੀ ਤਰਾਂ ਸਮਝ ਆ ਸਕੇ। ਹੇਠ ਲਿਖਤ ਤੱਥਾਂ ਰਾਹੀਂ ਤੁਹਾਨੂੰ ਉਹਨਾਂ ਹਿਮਾਇਤੀ ਅਮਰੀਕਨ ਲੋਕਾਂ, ਜੋ ਕਿ ਇਥੋਂ ਦੀ ਸਰਕਾਰ ਤੋਂ ਤੁਹਾਡੇ ਮੋਰਚੇ ਦੀ ਸਫਲਤਾ ਲਈ ਅਸਲ ਵਿੱਚ ਮਦਦ ਮੰਗ ਰਹੇ ਹਨ ਅਤੇ ਦੂਜੇ ਪਾਸੇ ਵਿਦੇਸ਼ੀ ਭਾਰਤੀਆਂ ਦੀ ਇੱਥੇ ਵੱਸਦੀ ਅਖੌਤੀ Sikh Caucus leadership (ਜੋ ਕਿ ਅੇਮੀ ਬੈਰਾ ਵਰਗੇ ਮੋਦੀ ਪੱਖੀਆਂ ਦੀਆਂ ਕਰਤੂਤਾਂ ਉਤੇ ਪੜਦਾ ਪਾ ਰਹੀ ਹੈ), ਵਿੱਚ ਫਰਕ ਸਮਝਣ ਵਿੱਚ ਸੌਖਿਆਈ ਹੋਵੇਗੀ।

੧. Congressman John Garamendi ਦਾ ਪੱਤਰ

Mr Garamendi, American Sikh Congressional Caucus ਦੇ ਕੋ-ਚੇਅਰਮੈਨ ਹਨ, ਪਰ ਮਹੱਤਵਪੂਰਨ ਗੱਲ ਇਹ ਹੈ ਕਿ ਉਨਾਂ ਨੇ ਜੋ ਪੱਤਰ ਭਾਰਤੀ ਰਾਜ-ਦੂਤ ਤਰਨਜੀਤ ਸਿੰਘ ਸੰਧੂ ਨੂੰ ਲਿਖਿਆ ਹੈ ਉਹ American Sikh Congressional Caucus ਵੱਲੋਂ ਨਹੀਂ ਲਿਖਿਆ। ਉਨਾਂ ਦੀ ਚਿਠੀ ਉਪਰ, ਜੋ ਕੇ ਉਨ੍ਹਾਂ ਨੇ ਆਪਣੇ ਅਮਰੀਕੀ ਕਾਂਗਰਸ ਦੇ ਲੈਟਰ ਹੈਡ ਤੇ ਲਿਖੀ ਹੈ ਕੇਵਲ ਉਨ੍ਹਾਂ ਦੇ ਅਤੇ Congressman Jim Costa ਦੇ ਹੀ ਦਸਤਖਤ ਹਨ ।ਇਸ ਲੈਟਰ ਵਿਚ Congresswoman Shiela Jackson ਦਾ ਨਾਮ ਤਾਂ ਹੈ ਪਰ ਉਨ੍ਹਾਂ ਦੇ ਦਸਤਖਤ ਨਹੀ ਹੋਏ।

Mr Garamendi ਨੇ ਇਹ ਪੱਤਰ ਸਾਰੇ American Sikh Congressional Caucus, ਜਿਸਦੇ ਕਿ ੫੦ ਮੈਂਬਰ ਹੋਣ ਦਾ ਦਾਅਵਾ ਕੀਤਾ ਜਾਂਦਾ ਹੈ, ਨੂੰ ਪੇਸ਼ ਤੱਕ ਵੀ ਨਹੀ ਕੀਤਾ। ਇਹ ਸਮਝਣਾ ਸਰਾਸਰ ਗਲਤ ਹੈ ਕਿ ਇਹ ਪੱਤਰ, ਸਮੁਚੀ ਸਿੱਖ ਕੌਕਸ, ਜਿਸ ਦਾ ਤੁਸੀ ਧੰਨਵਾਦ ਕੀਤਾ ਹੈ, ਦੀ ਇੱਛਾ ਦੀ ਨੁਮਾਇੰਦਗੀ ਕਰਦਾ ਹੈ।

ਇਹ ਪੱਤਰ ਤਾਂ ਬਿਨਾਂ ਕਿਸਾਨ ਮੋਰਚੇ ਲਈ ਕੋਈ ਸਥੂਲ ਕਦਮ ਚੁੱਕਿਆਂ, ਕੇਵਲ Mr Garamendi ਦੇ ਹਲਕੇ ਵਿੱਚ ਵਸਦੇ ਸਿੱਖ ਵੋਟਰਾਂ ਨੂੰ ਬੇਵਕੂਫ ਬਣਾਉਣ ਦੀ ਇੱਕ ਕੋਸ਼ਿਸ਼ ਹੈ। ਸਿਖ ਕੌਕਸ ਦੀ ਘਾੜਤ ਘੜਨ ਵਾਲੇ ਅਖੌਤੀ ਲੀਡਰ ਡਾ: ਿਪ੍ਰਤਪਾਲ ਸਿੰਘ ਨੇ ਬਹੁਤ ਵਧ ਚੜ ਕੇ ਇਸੇ ਪੱਤਰ ਨੂੰ ਸਿੱਖ ਕੌਕਸ ਦੀ ਵੱਡੀ ਪਰਾਪਤੀ ਵਜੋਂ ਪਰਚਾਰਿਆ ਹੈ। ਸਚਾਈ ਇਹ ਹੈ ਕਿ Congressman John Garamendi ਨੇ ਆਪਣੇ ਪੱਤਰ ਵਿੱਚ ਪੰਜਾਬ ਦੇ ਸਿੱਖ ਕਿਸਾਨਾਂ ਨਾਲ ਭਾਰਤ ਵਿਚਲੀ ਮੌਜੂਦਾ ਖਤਰਨਾਕ ਸਥਿਤੀ ਬਾਰੇ ਬੜੀ ਨਰਮ ਅਤੇ ਲਾ-ਪਰਵਾਹੀ ਵਾਲੀ ਸੁਰ ਵਰਤੀ ਹੈ। ਰਾਜਦੂਤ TS Sandhu ਨੂੰ ਖੁਸ਼ ਕਰਣ ਵਾਸਤੇ ਅਮੈਰਿਕਾ ਦੀ ਜਮਹੂਰੀਅਤ ਨੂੰ ਵੀ ਭੰਡਿਆ ਹੈ।

੨. American Sikh Congressional Caucus ਦਾ ਇਤਿਹਾਸ

ਅਮਰੀਕਨ ਸਿੱਖ ਕੌਕਸ ੨੦੧੩ ਵਿੱਚ ਇਸ ਝੂਠੀ ਉਮੀਦ ਨਾਲ ਬਣਾਇਆ ਗਿਆ ਸੀ ਕਿ ਇਸ ਰਾਹੀਂ ਸਿੱਖ ਕੌਮ ਦੀ ਅਵਾਜ਼ ਨੂੰ ਸਿੱਧਾ ਅਮਰੀਕਨ ਸਿਆਸਤ ਦੀ ਉਚਾਈ ਤੱਕ ਪਹੁੰਚਾਇਆ ਜਾਵੇਗਾ। ਇਸਦੀ ਸ਼ੁਰੂਆਤ, ਅਮਰੀਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਕੋਆਰਡੀਨੇਟਰ ਡਾ: ਿਪ੍ਰਤਪਾਲ ਸਿੰਘ ਵੱਲੋਂ ਕੀਤੀ ਗਈ ਸੀ। ਇਥੇ ਇਹ ਵੀ ਵਰਣਨਯੋਗ ਹੈ ਕਿ ਡਾ: ਿਪ੍ਰਤਪਾਲ ਸਿੰਘ, ਡਾ: ਸੋਹਨ ਸਿੰਘ ਖਾਲਸਤਾਨ ਪੰਥਕ ਕਮੇਟੀ ਦੇ ਅਹਿਮ ਸਲਾਹਕਾਰ ਹਨ। ਪਿਛਲੇ ੩੧ ਸਾਲਾਂ ਤੋਂ ਡਾ ਿਪ੍ਰਤਪਾਲ ਸਿੰਘ ਜੀ ਅਮੈਰਿਕਾ ਵਿਚ ਖਾਲਸਤਾਨੀ ਆਵਾਜ਼ ਦੇ poster boy ਹਨ ਅਤੇ ਬਹੁਤ ਸਾਰੀਆਂ ਜਥੇਬੰਦੀਆਂ ਇਨਾਂ ਦੇ ਹਥ control ਵਿਚ ਹਨ।

American Sikh Congressional Caucus ਬਣਾਉਣ ਸਮੇਂ ਹੇਠ ਲਿਖੀਆਂ ਸ਼ਰਤਾਂ ਡਾ: ਿਪ੍ਰਤਪਾਲ ਸਿੰਘ ਜੀ ਦੀ ਸਲਾਹ ਅਤੇ ਸਹਿਮਤੀ ਦੇ ਨਾਲ ਐਲਾਨੀਆਂ ਅਤੇ ਮੰਨੀਆਂ ਗਈਆਂ:

• ਸਿੱਖ ਕੌਕਸ ਭਾਰਤ ਦੀ ਕਦੇ ਕਿਸੇ ਤਰ੍ਹਾਂ ਦੀ ਵੀ ਅਲੋਚਨਾ ਨਹੀ ਕਰੇਗਾ।

• American Sikh Congressional Caucus ਨੂੰ 1984 ਵਿੱਚ ਵਾਪਰੇ ਦਿੱਲੀ ਕਤਲੇਆਮ ਤੇ ਸਿੱਖ ਨਸਲਕੁਸ਼ੀ ਦੀ ਅਵਾਜ ਚੁਕਣ ਲਈ ਨਹੀਂ ਵਰਤਿਆ ਜਾਵੇਗਾ।

ਇਹ ਵੀ ਜ਼ਿਕਰਯੋਗ ਹੈ ਕਿ ਇਸੇ ਸਿੱਖ ਕੌਕਸ ਦੇ ਅੱਧੇ ਮੈਂਬਰ ਤਾਂ India Caucus ਦੇ ਮੈਂਬਰ ਵੀ ਹਨ। India Caucus ਪ੍ਰਧਾਨ ਮੰਤਰੀ ਮੋਦੀ ਦੀਆਂ ਸਾਰੀਆਂ ਨੀਤੀਆਂ ਦਾ ਪੂਰਾ ਸਾਥ ਦਿੰਦਾ ਅਤੇ ਸਮਰਥਨ ਕਰਣ ਦਾ ਬਚਨਬੰਧ ਹੈ।

ਆਪਣੀ ਸ਼ੁਰੂਆਤ ਤੋਂ ਹੀ American Sikh Congressional Caucus ਡੋਗਰਿਆਂ ਵਾਂਗੂ ਸਿੱਖਾਂ ਦੇ ਭਾਰਤ ਸੰਬੰਧੀ ਮਸਲਿਆਂ ਨੂੰ ਦਬਾਉਣ ਦਾ ਕੰਮ ਕਰਦਾ ਆਇਆ ਹੈ। ਡਾ: ਿਪ੍ਰਤਪਾਲ ਸਿੰਘ ਦੀ ਸਿਖ ਕੌਕਸ ਬਣਨ ਤੋਂ ਪਹਿਲਾਂ ਕੈਲੀਫੋਰਨੀਆਂ ਦੇ ਅਤੇ ਅਮੈਰਿਕਾ ਦੀਆਂ ਹੋਰ ਸਟੇਟਾਂ ਦੇ ੨੫ ਕੁ ਸ਼ਹਿਰਾਂ ਨੇ ੧੮੯੪ ਦੀ ਸਿਖ ਨਸਲਕਸ਼ੀ ਬਾਰੇ resolution ਪਾਸ ਕੀਤੇ ਸਨ ਤੇ ਭਾਰਤ ਸਰਕਾਰ ਉਤੇ ਇਸ ਦਾ ਅਸਰ ਪੈ ਰਿਹਾ ਸੀ। ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਆਦੇਸ਼ ਆਏ ਸਨ ਕਿ ਦੇਸਾਂ ਪਰਦੇਸ਼ਾਂ ਵਿਚ ਸਿਖ ਨਸਲਕੁਸ਼ੀ ਦੀ ਗਲ ਕੀਤੀ ਜਾਵੇ। ਸਿਖ ਕੌਮ ਸ੍ਰੀ ਅਕਾਲ ਤਖਤ ਸਾਹਿਬ ਦਾ ਹੁਕਮ ਮੰਨ ਕੇ ਨਸਲਕੁਸ਼ੀ ਦੇ ਮਤੇ ਸਫਲਤਾ ਸਹਿਤ ਵਖ ਵਖ ਸ਼ਹਿਰਾਂ ਤੇ ਸਟੇਟਾਂ ਵਿਚ ਪਾਸ ਕਰਵਾ ਰਹੀ ਸੀ। ਅਮਰੀਕੀ ਕਾਂਗਰਸ ਵਿਚ ਮਤੇ ਪਾਉਣ ਦਾ ਉਤਸ਼ਾਹ ਸਿਖਾਂ ਵਿਚ ਵਧ ਰਿਹਾ ਸੀ। ਸਿਖ ਕੌਕਸ ਦੀ ਘਾੜਤ ਘੜ ਕੇ ਅਤੇ ਇਸ ਵਿਚੋਂ ਨਸਲਕੁਸ਼ੀ ਦਾ ਮੁਦਾ ਹਟਾ ਕੇ ਡਾ: ਿਪ੍ਰਤਪਾਲ ਸਿੰਘ ਨੇ ਨਾ ਕੇਵਲ ਸ੍ਰੀ ਅਕਾਲ ਤਖਤ ਸਾਹਿਬ ਤੋਂ ਬੇਮੁਖਤਾਈ ਵਿਖਾਈ ਹੈ ਸਗੋਂ ਸਿਖ ਕੌਮ ਨਾਲ ਅਤੇ ਸਮੁਚੇ ਅਮੈਰਿਕਨ ਸਿਖਾਂ ਦੇ ਪਿਠ ਵਿਚ ਡੂੰਗੀ ਛੁਰੀ ਮਾਰ ਕੇ ਹਮਲਾ ਕੀਤਾ ਹੈ।

ਤੁਹਾਡਾ ਇਹ ਮੰਨਣਾ ਸਰਾਸਰ ਗਲਤ ਹੋਵੇਗਾ ਕਿ ਅਜਿਹਾ ਕੌਕਸ ਕਿਸਾਨੀ ਸੰਘਰਸ਼ ਦੀ ਕਿਸੇ ਵੀ ਪਰਕਾਰ ਦੀ ਕੋਈ ਮਦਦ ਕਰੇਗਾ। ਇਸ ਕੌਕਸ ਦੇ ਮੈਂਬਰਾਂ ਦੀ ਦੋਹੀਂ ਪਾਸੀਂ ਸਾਂਝ ਦੀ engineering ਹੋਣ ਕਰਕੇ ਸਿਖ ਕੌਕਸ ਅਜਿਹੇ ਕਿਸੇ ਅੰਦੋਲਨ ਦਾ ਪੱਖ ਨਹੀਂ ਪੂਰ ਸਕਦਾ ਜੋ ਪ੍ਰਧਾਨ ਮੰਤਰੀ ਮੋਦੀ ਅਤੇ ਉਸਦੀ ਸਰਕਾਰ ਦੀ ਇੱਛਾ ਦੇ ਵਿਰੁੱਧ ਹੋਵੇ। ਸਿਧੀ ਗੱਲ ਇਹ ਹੈ ਕਿ ਡਾ: ਿਪ੍ਰਤਪਾਲ ਸਿੰਘ ਜਿਸ ਨੇ ਸਿਖ ਕੌਕਸ ਘੜਿਆ ਹੈ, ਖੁਦ ਮੋਦੀ-ਪੱਖੀ India Caucus ਦਾ ਸੇਵਾਦਾਰ ਹੈ ਅਤੇ ਸਾਰੀ ਕੌਮ ਨੂੰ ਡੋਬਣ ਜਾ ਰਿਹਾ ਹੈ।

ਸਜਿਓਂ : ਡਾ: ਿਪ੍ਰਤਪਾਲ ਸਿੰਘ, ਅਹਿਮ ਸਲਾਹਕਾਰ ਡਾ: ਸੋਹਨ ਸਿੰਘ ਖਾਲਸਤਾਨ ਪੰਥਕ ਕਮੇਟੀ, ਕੋਆਰਡੀਨੇਟਰ ਅਮੈਰਿਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਸੰਚਾਲਕ ਸਿਖ ਕੌਕਸ; ਕਾਂਗਰਸਮੈਨ ਜੌਹਨ ਗਾਰਾਮੈਂਡੀ; ਕਾਂਗਰਸਵੁੁਮੈਨ ਜੂਡੀ ਚੂ; ਸਿਖ ਕੌਕਸ ਬਨਾਮ India Caucus ਸੰਬੰਧੀ ਖੁਸ਼ੀਆਂ ਮਨਾਉਦੇ ਹੋਏ!

੨੦੧੩ ਵਿਚ ਕਾਂਗਰਸਵੁੁਮੈਨ ਜੂਡੀ ਚੂ ਦੀ ਖਬਰ Times of India ਵਿਚ ਲਗੀ ਜਿਸ ਵਿਚ ਉਸ ਨੇ ਐਲਾਨ ਕੀਤਾ ਕਿ ਸਿਖ ਕੌਕਸ ਭਾਰਤ ਦੀ ਕੋਈ ਵੀ ਅਲੋਚਨਾ ਨਹੀ ਕਰੇਗਾ ਅਤੇ ਨਾ ਹੀ ਸਿਖ ਨਸਲਕੁਸ਼ੀ ਦੀ ਗਲ ਕਰਣ ਦਾ ਅਧਿਕਾਰ ਸਿਖ ਕੌਕਸ ਰਖੇਗਾ!

੩. American Sikh Congressional Caucus ਦਾ ਸਭ ਤੋਂ ਸੀਨੀਅਰ ਅਤੇ founding member ਅੇਮੀ ਬੈਰਾ ਕਿਸਾਨ ਮੋਰਚੇ ਦੀ ਹਮਾਇਤ ਨਹੀਂ ਕਰਦਾ।

ਕਾਂਗਰਸਮੈਨ ਅੇਮੀ ਬੈਰਾ American Sikh Congressional Caucus ਦਾ ਸਭ ਤੋਂ ਸੀਨੀਅਰ ਅਤੇ founding member ਹੈ। ਅੇਮੀ ਬੈਰਾ India caucus ਦਾ ਕੋ-ਚੇਅਰਮੈਨ ਅਤੇ ਸ਼ਕਤੀ ਸ਼ਾਲੀ ਏਸ਼ੀਆ ਸਬ-ਕਮੇਟੀ ਦਾ ਵੀ ਚੇਅਰਮੈਨ ਹੈ। ਇਹਨਾਂ ਅਹੁਦਿਆਂ ਰਾਹੀਂ ਉਸਦਾ ਅਮਰੀਕਾ ਦੀ ਭਾਰਤ ਸੰਬੰਧੀ ਵਿਦੇਸ਼-ਨੀਤੀ ਉਪਰ ਪੂਰਾ ਪ੍ਰਭਾਵ ਹੈ। ਅੇਮੀ ਬੈਰਾ ਮੋਦੀ ਦੀਆਂ ਕਿਸਾਨ ਵਿਰੋਧੀ ਪਾਲਸੀਆਂ ਨੂੰ ਕਿਸਾਨਾਂ ਦੀ ਭਲਾਈ ਵਾਸਤੇ ਦਸਦਾ ਹੈ। ਅੇਮੀ ਬੈਰਾ ਮੋਦੀ ਦਾ ਲੰਬੇ ਸਮੇਂ ਤੋਂ ਹਮਾਇਤੀ ਹੈ। ਅਜਿਹੇ ਹਾਲਾਤ ਵਿੱਚ Sikh Caucus ਉਪਰ ਇਹ ਵਿਸ਼ਵਾਸ਼ ਕਰਨਾ ਕਿ ਉਹ ਕਿਸਾਨ ਯੂਨੀਅਨਾਂ ਦੇ ਹੱਕ ਵਿੱਚ ਕੁਝ ਕਰਨਗੇ, ਸਿਆਣਪ ਦੀ ਗੱਲ ਨਹੀਂ।ਅੇਮੀ ਬੈਰਾ ਨੇ ਆਪਣੇ ਹਲਕੇ ਦੇ ਇੱਕ ਸਿੱਖ, ਜਸਵਿੰਦਰ ਸੰਘਾ ਨੂੰ ਲਿਖੇ ਪੱਤਰ ਵਿੱਚ ਇਹਨਾਂ ਨਵੇਂ ਕਨੂੰਨਾਂ ਨੂੰ ਕਿਸਾਨ-ਹਿਤਕਾਰੀ ਦਰਸਾਇਆ ਹੈ। ਬੇਸ਼ੱਕ ਉਸਦੇ ਹਲਕੇ ਦੇ ਕਰੀਬ ੧੦,੦੦੦ ਵਸਨੀਕਾਂ ਨੇ ਕਿਸਾਨਾਂ ਦੇ ਹੱਕ ਵਿੱਚ ਰੈਲੀ ਵੀ ਕੱਢੀ, ਪਰ ਅੇਮੀ ਬੈਰਾ ਨੇ ਇਸ ਮਸਲੇ ਬਾਰੇ ਅਗਾਂਹ ਕੋਈ ਗੱਲ ਨਹੀਂ ਤੋਰੀ।

ਸਿਖ ਕੌਕਸ ਦਾ ਅੇਮੀ ਬੈਰਾ ਜੋ ਕਿਸਾਨਾਂ ਲਈ ਕੁਝ ਵੀ ਕਰਣ ਲਈ ਤਿਆਰ ਨਹੀ ਉਸ ਨੇ ਮੋਦੀ ਤੇ ਮੋਹਨ ਭਗਵਤ ਦੀ ਨਵੀ ਵਿਸ਼ਵ ਗਾਂਧੀ ਉਬਾਰ ਮੁਹਿੰਮ ਨੂੰ American Tax payers ਦੇ ੩੦ ਮਿਲੀਅਨ ਡਾਲਰ ਦਸੰਬਰ 2020 ਵਿੱਚ ਮਨਜ਼ੂਰ ਕਰਵਾਏ। SIC ਜਲਦ ਹੀ ਇਸ ਵਿਰੁੱਧ ਰੋਸ ਮੁਜ਼ਾਹਰਾ ਕਰੇਗੀ। ਪਰ ਆਪ ਜੀ ਦਾ ਪੱਤਰ ਜੋ ਕਿ Sikh Caucus ਬਨਾਮ India caucus ਦੀ ਪ੍ਰੋੜਤਾ ਕਰਦਾ ਹੈ ਉਸ ਨਾਲ ਅਮਰੀਕਾ ਦੇ ਸਿੱਖਾਂ ਵਿੱਚ ਦੁਬਿਧਾ ਪੈਦਾ ਹੋ ਜਾਵੇਗੀ। ੨੦੧੪ ਵਿੱਚ ਉਸਦੇ ਹਲਕੇ ਦੇ ਕੁਝ ਪੰਥਕ ਸਿੱਖਾਂ ਦੇ ਵਿਰੋਧ ਕਾਰਨ ਅੇਮੀ ਬੈਰਾ ਚੋਣਾਂ ਵਿੱਚ ਲਗਭਗ ਹਾਰ ਹੀ ਗਿਆ ਸੀ। ਪਰ ਸਿੱਖਾਂ ਦੀ ਬਦਕਿਸਮਤੀ ਕਿ ਡਾ: ਿਪ੍ਰਤਪਾਲ ਸਿੰਘ ਤੇ ਉਸਦੇ ਹਮਾਇਤੀਆ ਨੇ ਮੋਦੀ ਦੇ ਇਸ ਪੁਤਰ ਅੇਮੀ ਬੈਰਾ ਨੂੰ ਡੁੱਬਣ ਤੋਂ ਬਚਾ ਲਿਆ। ਇਥੇ ਇਹ ਵੀ ਜ਼ਿਕਰਯੋਗ ਹੈ ਕਿ ਇਸ ਹਲਕੇ ਵਿਚ ਸਿਖਾਂ ਦੀ 6000 ਤੋਂ ਉਪਰ ਵੋਟ ਹੈ ਪਰ ਅੇਮੀ ਬੈਰਾ ਸਿਰਫ 728 ਵੋਟਾ ਉਪਰ ਜਿਤਿਆ। ਡਾ: ਿਪ੍ਰਤਪਾਲ ਸਿੰਘ ਦੇ ਇਸੇ ਵਿਹਾਰ ਕਾਰਨ ਅੇਮੀ ਬੈਰਾ ਅਜ ਸ਼ਕਤੀਸ਼ਾਲੀ ਅਹੁਦੇ ਉਤੇ ਪਹੁੰਚ ਕੇ ਕਿਸਾਨਾਂ ਦਾ ਵਿਰੋਧ ਕਰ ਰਿਹਾ ਹੈ, ਗਾਂਧੀ ਨੂੰ ਉਬਾਰ ਰਿਹਾ ਹੈ ਅਤੇ ਸਿਖਾਂ ਲਈ ਆਉਣ ਵਾਲੇ ਸਮੇਂ ਵਿੱਚ ਭਾਰੀ ਸਾਬਤ ਹੋਵੇਗਾ।

ਮੋਦੀ ਦੇ ਪੁਤਰ, ਸਿਖ ਕੌਕਸ ਦੇ ਅੇਮੀ ਬੈਰਾ ਦੀਆਂ ਕਰਤੂਤਾਂ ! – ਮੂੰਹ ਬੋਲਦੀਆਂ ਤਸਵੀਰਾਂ

੨੦੧੪ ਵਿਚ ਡੋਗਰਿਆਂ ਦਾ ਇਤਿਹਾਸ ਮੁੜ ਸੁਰਜੀਤ ਹੋਇਆ ਜਦੋਂ ਹਰਪ੍ਰੀਤ ਸਿੰਘ ਸੰਧੂ ਨੇ ਡਾ: ਿਪ੍ਰਤਪਾਲ ਸਿੰਘ ਨਾਲ ਮਿਲ ਕੇ ਅਤੇ ਹਲਕੇ ਦੇ ਸਿਖਾਂ ਵਿਚ ਭੰਬਲਭੂਸਾ ਪਾ ਕੇ 728 ਵੋਟਾਂ ਰਾਹੀ ਮੋਦੀ ਦੇ ਪੁਤਰ ਅੇਮੀ ਬੈਰਾ ਨੂੰ ਜਿਤਾਇਆ

੧੬ ਦਸੰਬਰ ਨੂੰ Sikh Information Centre ਵੱਲੋਂ ਕਾਂਗਰਸਮੈਨ ਗਾਰਾਮੈਂਡੀ ਦੇ ਦਫਤਰ ਅੱਗੇ ਭਾਰਤੀ ਰਾਜਦੂਤ ਨੂੰ ਲਿਖੇ ਨਰਮ ਅਤੇ ਲਾ-ਪਰਵਾਹੀ ਵਾਲੀ ਸੁਰ ਵਾਲੇ ਪਤਰ ਬਾਰੇ ਰੋਸ ਮੁਜ਼ਾਹਰਾ ਕੀਤਾ ਗਿਆ

ਅਸੀਂ ਗੈਰਾਮੈਂਡੀ ਦੇ ਪੱਤਰ ਤੋਂ ਇਹਨਾਂ ਕਾਰਨਾਂ ਕਰਕੇ ਮਯੂਸ ਸਾਂ :-

• ਇਸ ਪੱਤਰ ਵਿੱਚ ਜੋ ਕਿ ੪ ਦਸੰਬਰ ਨੂੰ ਲਿਖਿਆ ਗਿਆ ਸੀ US Department of State, the Secretary of State, President of the United States Honorable Donald Trump, President Elect of the United States Honorable Joe Biden ਦਾ ਨਾਮ ਤੱਕ ਨਹੀਂ ਹੈ ਅਤੇ ਉਹਨਾਂ ਦੀ ਹਮਾਇਤ ਹਾਸਲ ਕਰਨ ਦੀ ਕੋਈ ਕੋਸ਼ਿਸ਼ ਨਹੀਂ ਕੀਤੀ ਗਈ।

• ਨਾ ਹੀ ਗਾਰਾਮੈਂਡੀ ਨੇ ਆਪਣੀ ਪਾਰਟੀ ਦੇ ਆਗੂਆਂ ਤੋਂ ਕੋਈ ਹਮਾਇਤ ਹਾਸਲ ਕਰਣ ਦੀ ਕੋਸ਼ਿਸ਼ ਕੀਤੀ ਅਤੇ ਨਾ ਹੀ ਕਾਂਗਰਸ ਦੇ ਬਾਕੀ ਮੈਂਬਰਾਂ, ਜਿਨਾਂ ਵਿਚੋ ਕੁਝ ਮੈਂਬਰ ਮੋਦੀ ਦੇ ਪਹਿਲੋਂ ਹੀ ਵਿਰੋਧੀ ਹਨ, ਨੂੰ ਆਪਣੀ ਚਿਠੀ ਉਪਰ ਦਸਤਖਤ ਕਰਨ ਦਾ ਮੌਕਾ ਦਿੱਤਾ।

• ਇਸ ਪੱਤਰ ਨੂੰ ਵੱਡੇ ਪੱਧਰ ਉੱਤੇ ਸਮੁਚੀ Sikh Caucus ਵਲੋਂ ਜੋੜ ਕੇ ਫਰੇਬੀ ਪਰਚਾਰ ਕੀਤਾ ਗਿਆ। ਇਸ ਦੇ ਰਾਹੀਂ ਮੋਦੀ-ਪੱਖੀ India Caucus ਦੇ ਮੈਂਬਰ, ਜੋ ਵਡੀ ਗਿਣਤੀ ਵਿਚ ਡਾ: ਿਪ੍ਰਤਪਾਲ ਸਿੰਘ ਵਲੋਂ ਸਿਖ ਕੌਕਸ ਵਿਚ ਵਾੜੇ ਗਏ ਹਨ, ਉਨਾਂ ਨੂੰ ਚੰਗਾ ਵਿਖਾਇਆ ਜਾਵੇ, ਉਨਾਂ ਦੀ ਕਿਸਾਨਾਂ ਪ੍ਰਤੀ ਮੁਖਾਲਫਤ ਸਿਖਾਂ ਵਿਚ ਜ਼ਾਹਰ ਨਾ ਹੋ ਸਕੇ ਅਤੇ ਸਿਖ ਉਨਾਂ ਨੂੰ ਵੋਟਾਂ ਤੇ ਪੈਸੇ ਇਸੇ ਤਰਾਂ ਦਿੰਦੇ ਰਹਿਣ।

16 ਦਸੰਬਰ ਨੂੰ SIC ਦੇ ਮੈਂਬਰਾਂ ਨੇ ਗਾਰਾਮੈਂਡੀ ਦੇ ਦਫਤਰ ਪਹੁੰਚ ਕੇ ਕਿਸਾਨੀ ਮੋਰਚੇ ਦੇ ਹਿਤਾਂ ਲਈ ਮੰਗ ਪੱਤਰ ਦਿਤਾ ਤੇ ਇਹ ਚੀਜ਼ਾਂ ਦੀ ਮੰਗ ਰਖੀ:

ਕਿਸਾਨੀ ਅੰਦੋਲਨ ਤੁਰੰਤ ਰਾਸ਼ਟਰਪਤੀ ਡੋਨਲਡ ਟਰੰਪ, ਨਵੇਂ ਚੁਣੇ ਰਾਸ਼ਟਰਪਤੀ ਬਾਈਡਨ, US State Department, ਅਮਰੀਕੀ ਕਾਂਗਰਸ ਅਤੇ ਭਾਰਤ ਵਿਚਲੇ ਅਮਰੀਕੀ ਰਾਜ-ਦੂਤ ਦੇ ਧਿਆਨ ਵਿੱਚ ਲਿਆਂਦਾ ਜਾਵੇ ਤੇੇ ਵਿਚਾਰ ਕੀਤਾ ਜਾਵੇ।

ਸਿੱਖ ਕੌਕਸ ਦੇ ੫੦ ਮੈਂਬਰਾਂ ਵੱਲੋਂ ਸਖਤ ਸ਼ਬਦਾਵਲੀ ਵਾਲਾ ਪੱਤਰ ਭਾਰਤ ਨੂੰ ਲਿਖਕੇ ਤਾੜਨਾ ਕੀਤੀ ਜਾਵੇ ਜਿਸ ਵਿੱਚ ਭਾਰਤ ਨੂੰ ਦਿੱਤੀ ਜਾਂਦੀ ਵਿੱਤੀ ਰਾਸ਼ੀ ਘਟਾਉਣ, ਭਾਰਤੀ-ਅਮਰੀਕੀ ਰਿਸ਼ਤਿਆਂ ਨੂੰ ਘਟਾਉਣ ਅਤੇ ਭਾਰਤ ਦਾ ਸਕਿਉਰਟੀ ਕੌਂਸਲ ਦਾ ਮੈਂਬਰ ਬਣਨ ਦਾ ਵਿਰੋਧ ਕੀਤਾ ਜਾਵੇ।

ਭਾਰਤੀ ਦੂਤ ਨੂੰ Garamendi ਸੰਮਨ ਕਰੇ ਅਤੇ ਕਿਸਾਨਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਹੇਠ ਲਿਖੇ ਅਹਿਦ ਕਰੇ:-

• ਅੰਦੋਲਨਕਾਰੀ ਕਿਸਾਨਾਂ ਪ੍ਰਤੀ ਵਰਤੀ ਜਾਂਦੀ ਹਿੰਸਾ ਨੂੰ ਤੁਰੰਤ ਬੰਦ ਕੀਤਾ ਜਾਵੇ, ਜਿਸ ਵਿੱਚ ਹੰਝੂ-ਗੈਸ, ਪਾਣੀ ਦੀਆਂ ਬੁਛਾਰਾਂ, ਡੰਡੇ, ਲਾਠੀਆਂ ਆਦਿ ਦੀ ਵਰਤੋਂ ਸਭ ਰੋਕੀ ਜਾਵੇ।

• ਕਿਸਾਨਾਂ ਅਤੇ ਉਹਨਾਂ ਦੇ ਪਰਵਾਰਾਂ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਇਆ ਜਾਵੇ।

• ਖਾਣਾ, ਪਾਣੀ, ਆਸਰਾ ਅਤੇ toilets ਮੁਹੱਈਆ ਕੀਤੇ ਜਾਣ।

• World Health Organization ਵਲੋਂ COVID-19 ਸੰਬੰਧੀ ਨਿਰਧਾਰਤ ਨਿਯਮਾਂ ਅਨੁਸਾਰ ਅੰਦੋਲਨ ਲਈ ਲੋੜੀਂਦੀਆਂ ਵਸਤਾਂ ਮੁਹੱਈਆ ਕੀਤੀਆਂ ਜਾਣ ਕਿਉਕਿ ਭਾਰਤ ਸਰਕਾਰ ਨੇ COVID-19 ਦੀ ਆੜ ਚ ਕਾਲੇ ਕਨੂੰਨ ਕਿਸਾਨਾਂ ਉਪਰ ਥੋਪੇ ਹਨ।

• ਭਾਰਤ ਸਰਕਾਰ ਕਿਸਾਨਾਂ ਨੂੰ ਗੁਲਾਮ ਬਣਾਉਣ ਵਾਲੇ ਸਾਰੇ ਕਾਲੇ ਕਨੂੰਨ ਰੱਦ ਕਰਕੇ ਕਿਸਾਨਾਂ ਦੀਆਂ ਮੰਗਾਂ ਮੰਨੇ।

22 ਦਸੰਬਰ ਨੂੰ AGPC ਦੇ Coordinator ਡਾ: ਿਪ੍ਰਤਪਾਲ ਸਿੰਘ ਵੱਲੋਂ Sikh Information Centre (SIC) ਅਤੇ ਕਿਸਾਨ ਮੋਰਚੇ ਦੇ ਹਿਤਾਂ ਦਾ ਵਿਰੋਧ

SIC ਦੇ 16 ਦਸੰਬਰ ਦੇ ਮੁਜਾਹਰੇ ਨੂੰ ਲੋਕਲ ਅਮਰੀਕਨ ਖਬਰਾਂ ਤੇ ਅਧਾਰਿਆਂ ਨੇ ਪ੍ਰਸਾਰਣ ਕੀਤਾ ਅਤੇ ਇਸ ਨਾਲ ਕਾਂਗਰਸਮੈਨ ਗਾਰਾਮੈਂਡੀ ਉੱਤੇ ਕਿਸਾਨਾਂ ਦੀ ਅਵਾਜ ਅਮਰੀਕਨ ਰਾਸ਼ਟਰਪਤੀ ਤੱਕ ਪਹੁੰਚਾਉਣ ਲਈ ਦਬਾਅ ਬਣਿਆ। ਪਰ ੬ ਦਿਨ ਬਾਅਦ ਹੀ ੨੨ ਦਸੰਬਰ ਨੂੰ ਡਾ: ਿਪ੍ਰਤਪਾਲ ਸਿੰਘ ਅਤੇ ਉਸ ਦੇ ਪਾਲਤੂਆਂ ਨੇ ਕਾਂਗਰਸਮੈਨ ਗਾਰਾਮੈਂਡੀ ਦੇ ਦਫਤਰ ਹਾਜਰ ਹੋ ਕੇ ਉਸਦੇ ਕਮਜੋਰ- ਸੁਰ ਵਾਲੇ ਪੱਤਰ ਦਾ ਪੱਖ ਪੂਰਿਆ ਅਤੇ Sikh Information centre ਵੱਲੋਂ ਰੱਖੀਆਂ ਮੰਗਾਂ ਦਾ ਜਿਕਰ ਤੱਕ ਨਹੀਂ ਕੀਤਾ। AGPC ਦੇ coordinator ਡਾ: ਿਪ੍ਰਤਪਾਲ ਸਿੰਘ ਨੇ ਸਗੋਂ Sikh Information Centre (SIC) ਅਤੇ ਕਿਸਾਨ ਮੋਰਚੇ ਦੇ ਵਿਰੋਧ ਦੀ ਅਗਵਾਈ ਕਰਦਿਆਂ, ਕਾਂਗਰਸਮੈਨ ਗਾਰਾਮੈਂਡੀ ਦੇ ਮੁੱਖ ਦਫਤਰੀ ਅਧਿਕਾਰੀ ਦੇ ਅੱਗੇ ਉੱਚੀ ਅਵਾਜ ਵਿੱਚ ਕਿਸਾਨ ਯੂਨੀਅਨ ਵੱਲੋਂ ਲਿਖਿਆ ਪੱਤਰ ਪੜ੍ਹ ਕੇ ਸੁਣਵਾਇਆ।ਤੁਹਾਡਾ ਧੰਨਵਾਦ ਵਾਲਾ ਪੱਤਰ ਪੜਾਉਣ ਨਾਲ ਡਾ ਿਪ੍ਰਤਪਾਲ ਸਿੰਘ ਨੇ ਕਾਂਗਰਸਮੈਨ ਗਾਰਾਮੈਂਡੀ ਨੂੰ ਕਿਸਾਨੀ ਸੰਘਰਸ਼ ਲਈ ਅੱਗੇ ਹੋਰ ਕੋਈ ਵੀ ਕਾਰਵਾਈ ਕਰਣ ਤੋਂ ਰੋਕ-ਥਾਮ ਲਾ ਦਿਤੀ! ਸਾਨੂੰ ਆਪ ਜੀ ਤੇ ਵਿਸ਼ਵਾਸ਼ ਹੈ ਕਿ ਜਦੋਂ ਤੁਸੀਂ ਧੰਨਵਾਦ ਦਾ ਪੱਤਰ ਲਿਖਿਆ ਹੋਵੇਗਾ ਤਾਂ ਤੁਹਾਡਾ ਇਹ ਇਰਾਦਾ ਬਿਲਕੁੱਲ ਨਹੀਂ ਹੋਵੇਗਾ ਕਿ ਡਾ: ਿਪ੍ਰਤਪਾਲ ਸਿੰਘ ਇਸੇ ਨੂੰ ਅਧਾਰ ਬਣਾ ਕੇ ਕਾਂਗਰਸਮੈਨ ਗਾਰਾਮੈਂਡੀ ਨੂੰ ਕਿਸਾਨੀ ਸੰਘਰਸ਼ ਲਈ ਅੱਗੇ ਹੋਰ ਕੋਈ ਠੋਸ ਮਦਦ ਕਰਨ ਤੋਂ ਰੋਕੇਗਾ।ਅਸੀਂ ਉਮੀਦ ਕਰਦੇ ਹਾਂ ਕਿ ਸਾਡੇ ਇਹ ਪੱਤਰ ਤੇ ਤਥ ਤੁਹਾਨੂੰ ਅਮਰੀਕਾ ਦੀ ਸਿਆਸੀ ਸਥਿਤੀ ਤੋਂ ਜਾਣੂ ਕਰਵਾ ਕੇ ਸਿਖ ਕੌਕਸ ਦੇ ਭਲੇਖਿਆਂ ਤੋਂ ਕੱਢਣਗੇ ਕਿ ਸਿੱਖ ਕੌਕਸ ਰਾਹੀਂ ਅਮਰੀਕੀ ਕਾਂਗਰਸ ਵੱਲੋਂ ਕੋਈ ਮਦਦ ਤੁਹਾਡੇ ਤੱਕ ਪਹੁੰਚੇਗੀ। ਅਜਿਹੇ ਭੁਲੇਖੇ ਕਾਰਨ ਤੁਹਾਡੇ ਮੋਰਚੇ ਦਾ ਨੁਕਸਾਨ ਹੋ ਸਕਦਾ ਹੈ। ਅਸੀਂ ਉਮੀਦ ਕਰਦੇ ਹਾਂ ਕਿ ਆਪ ਮੋਰਚੇ ਨੂੰ ਨੁਕਸਾਨੀ ਤਾਕਤਾਂ ਤੋਂ ਬਚਾ ਸਕੋ।

ਜੇ ਸਿਖਾਂ ਦੀ ਬਸਕਿਸਮਤੀ ਨਾ ਹੁੰਦੀ ਅਤੇ ਸਿਖ ਕੌਕਸ ਦੇ ੫੦ ਮੈਬਰਾਂ ਦੀ ਆਵਾਜ਼ ਤੁਹਾਡੇ ਨਾਲ ਹੁੰਦੀ ਤਾਂ ਕਿਸਾਨ ਮੋਰਚੇ ਦੀ ਵਧੇਰੇ ਸਫਲਤਾ ਮਿਲਣੀ ਸੀ। ਤੁਸੀ ਇਸ ਦਾ ਆਪ ਅੰਦਾਜ਼ਾ ਲਗਾ ਸਕਦੇ ਹੋ!

ਅਸੀਂ ਉਮੀਦ ਕਰਦੇ ਹਾਂ ਕਿ ਆਪ ਜੀ ਇਹ ਜਾਣਕਾਰੀ ਮੋਰਚੇ ਦੇ ਸਭਨਾਂ ਆਗੂਆਂ ਨਾਲ ਸਾਂਝੀ ਕਰੋਗੇ ਤਾਂ ਜੋ ਉਹ ਅਮਰੀਕੀ ਸਿੱਖ ਕੌਕਸ ਦੀ ਅਸਲੀਅਤ ਅਤੇ ਅਖੌਤੀ leadership ਤੋਂ ਜਾਣੂ ਹੋ ਕੇ ਆਪਣਾ ਕੰਮ ਹੋਰ ਮੁਸਤੈਦੀ ਨਾਲ ਜਾਰੀ ਰੱਖ ਸਕਣ।

ਆਪ ਜੀ ਦੇ ਅਤੇ ਆਪ ਦੇ ਮੋਰਚੇ ਦੇ ਸ਼ੁਭਚਿੰਤਕ

Sikh Information Centre, California USA
info@sikhinformationcentre.org

ਵਧੇਰੇ ਜਾਣਕਾਰੀ ਲਈ

•   ਦਸੰਬਰ ੦੪-ਗਾਰਾਮੈਂਡੀ ਦਾ ਕਮਜੋਰ-ਨਰਮ ਸੁਰ ਵਾਲਾ ਭਾਰਤੀ ਦੂਤ ਨੂੰ ਲਿਖਿਆ ਪੱਤਰ
•   ਦਸੰਬਰ ੧੬-SIC ਦਾ ਗਾਰਾਮੈਂਡੀ ਨੂੰ ਦਿੱਤਾ ਮੰਗ ਪੱਤਰ
•   ਦਸੰਬਰ ੧੬- A news article titled “Impact of Indian farmer’s protest reverberates back to Northern California” that
mentions the SIC protest at Garamendi’s office in Davis, CA
•   ਦਸੰਬਰ ੧੭- ਅੇਮੀ ਬੈਰਾ ਦਾ ਜਸਵਿੰਦਰ ਸੰਘਾ ਨੂੰ ਲਿਖਿਆ ਪੱਤਰ

• ਦਸੰਬਰ ੨੨ – ਗਾਰਾਮੈਡੀ ਦੇ ਦਫਤਰ ਸਾਹਮਣੇ ਪ੍ਰਸਾਰਣ ਕਰਕੇ ਆਪ ਜੀ ਦੀ ਧੰਨਵਾਦ ਦੀ ਚਿਠੀ ਪੜੀ ਗਈ ਅਤੇ ਡਾ: ਿਪ੍ਰਤਪਾਲ ਸਿੰਘ ਵਲੋਂ SIC ਦੀ ਅਲੋਚਨਾ ਕੀਤੀ ਗਈ (Scroll to page 4)

Subscribe to SIC Now